طرق تدريس – افكار لالعاب للتدريب على اللغه

Games for Language Practice

1️⃣ random words / story game

ده درس تحدث كامل ممكن يوصل ل 45 دقيقه بدون ما تحتاج اى ماتيريال نهائى

1- اطلب من الطلبه كلمات مختلفه عشوائيه من مواضيع مختلفه .. او لو فى درس فى اى coursebook فى كلمات مش مرتبطه ببعض استخدم الكلمات دى

2- اكتبهم على السبوه .. قسم الفصل لمجموعات واطلب من كل مجموعه تالف قصه باستخدام الكلمات

3- مهم جدا تطلب منهم يكتبوا الافكار الرئيسيه للقصه (مجرد notes) بدون تفاصيل

4- عيد تقسيم الطلبه .. المره دى فى pairs بس لازم يكونوا من مجموعات مختلفه

5- كل واحد يحكى القصه للتانى

6- اسمع الطلبه اكتب اى اخطاء تسمعها

7- فى النهايه اطلب من الفصل لو فى طالب يحب يشارك بقصه عجبته … وبعدها اكتب الاخطاء على السبوره واطلب منهم يصححوها الاول لوحدهم وبعدها راجع مع الفصل كله التصحيح.

2️⃣ board boggle

1- اكتب 12 حرف بشكل عشوائى على السبوره … قسم الفصل لمجموعات

2- اديهم وقت محدد مثلا 5 دقايق . خلال الوقت ده يكتبوا اكبر عدد من الكلمات باستخدام الحروف دى

3- فى الاخر اطلب من كل مجموعتين يبدلوا الكلمات ويصححوا لبعض

4- شجعهم يستخدموا القاموس فى التصحيح

3️⃣ vocabulary memory game

1- لمراجعه الدرس السابق. اعرض صفحه من الكتاب فيها الكلمات (صور) او اكتبها على السبوره

2- قسم الطلبه فى مجموعات .. اطلب منهم يفتكروا كل الكلمات الى على السبوره فى دقيقتين بس

3- بعدها واحد فى كل مجموعه يكتب فى ورقه واحده كل الكلمات الى يفتكرها والمجموعه تمليه

4- وقف الوقت … واطلب من كل مجموعتين يبدلوا الورق بينهم ويصححوا لبعض

5- لو عايز تخليها اصعب .. لو بتراجع مثلا collocations اكتب الكلمات متفرقه

فيربتوا الكلمات ويفتكروها

4️⃣ stress patterns

دى لعبه للتدريب على النطق

1- اكتب على السبوره كلمات مختلفه فيهم كلمات ليها نفس ال stress pattern

زى مثلا كلمات من اربع مقاطع ويكون ال stress على المقطع الاول او التانى

زى مثلا January او literature .. دى كلمات من اربع مقاطع واول مطقع عليه stress

2- كل طالب يقرا الكلمات ويحاول يطلع الكلمات الى ينطبق عليها الstress pattern ده

3- بعد كده كل اتينن يقارنوا اجابتهم مع بعض

4- فى الاخر راجع مع كل الفصل اجاباتهم