اعمل ايه علشان اشتغل فى مجال التدريس واقدر اشتغل فى مكان كويس؟
1️⃣️ الاول، وده اهم حاجه، مستوى اللغه لازم يكون على الاقل متقدم .. وده لاسباب كتير منها:
– ازاى هتدرس طلبه مستواها عالى (متقدم) وانت مستواك اقل منهم؟
– لو مستواك اقل من متقدم ازاى هتقدر تقيم الطلبه وتديهم نصايح يطوروا من مستواهم؟
– صعب انك تتقبل فى مكان كويس ومستواك ضعيف
– هيكون صعب جدا انك تتقبل فى اى كورس كويس زى السيلتا-
الطلبه (مش كلهم) بيكتشفوا انك ضعيف وده مش حاجه كويسه
فاول خطوه .. اعمل امتحان تحديد مستوى.. لو مستواك اقل من متقدم .. ذاكر لوحدك او خد كورسات .. بس المهم توصل للمستوى المتقدم
خطة مذاكره ممكن تساعدك .. دى عباره عن خطه مذاكره مفصله لكل المهارات..
☑️ محتوى الخطه الدراسيه للمستويات قبل متوسط، متوسط، وفوق متوسط متاحه على قناه التليجرام
تقدر تطلع على الخطه من اللينك ده
لازم تشترك فى القناه الاول https://bit.ly/2Zswz00
☑️ مع المذاكره الذاتيه .. الكورسات مهمه جدا.. لانها هتساعد فى تطوير والتدريب على كل المهارات خاصه التحدث والكتابه وده مش متاح مع الدراسه الذاتيه
تفاصيل كورسات اللغه الانجليزيه اونلاين https://bit.ly/3dnwfDx
==========================================
2️⃣ لو مستواك كويس فى الاربع مهارات.. لازم تشتغل بقى على معرفتك ومهاراتك فى طرق التدريس
– المعرفه تقدر تحصل عليها من خلال القرايه الكتير فى كتب طرق التدريس. ودى متوفره كتيره على النت .. بس فى فرق بين انك تقرا وانك تدرس الكتب وتلخصها وتحاول تطبق الى بتتعلمه من الكتب ..
– تقدر تلاقى الكتب دى هنا
كلمه السر (abanoubaziz)
Practical Techniques for Language Teaching
Teaching tenses
The Practice of English Language Teaching
Grammar for English Language Teachers
How to Teach English
==========================================
3️⃣ من الحاجات الى ممكن تساعدك فى تطوير معرفتك هو اختبار ال TKT .
📕بعض الملعومات الاساسيه عن الاختبار:
🔹 ال TKT اختصار لــ Teaching Knowledge Test (اختبار مهارات التدريس) .. وهدفه حسب موقع المركز الثقافى البريطانى “يُقيم اختبار مهارات التدريس (TKT) المهارات التي تحتاجها للنجاح في تدريس اللغة الإنجليزية لغير الناطقين بها”
🔸 مؤهل معتمد فى التدريس من جامعه كامبريدج
🔹 مش شرط للقبول او الحصول على السيلتا ولكن مفيد جدا جدا فى تطوير معرفتك بطرق التدريس ومساعدتك فى القبول فى الكورس والنجاح فيه بتفوق
🔸 فى 5 اجزاء متوفره فى الاختبار. تمتحن كل جزء منفصل ولكل جزء شهاده منفصله
TKT: Module 1
Language and background to language learning and teaching
TKT: Module 2
Lesson planning and use of resources for language teaching
TKT: Module 3
Managing the teaching and learning process
TKT: CLIL (Content and Language Integrated Learning)
TKT: YL (Young Learners)
🔹 فى جزء سادس تم الغاءه من اول سنه 2018 وهو KAL ومعنها Knowledge about Language وهدفه قياس معرفه المعلم باللغه الانجليزيه
📚 فوائد الامتحان:
تطوير معرفتك باللغه وطرق التدريس
مطلوب فى بعض المدارس الدوليه
الامتحان رخيص وسهل تحجزه
فى طرق كتير تسهل التحضير للامتحان
📘 تكلفه الاختبار 750 للجزء الواحد
☑️ تفاصيل كورس ال TKT http://bit.ly/35pElad
======================
4️⃣️ الجزء التانى المهم هى الخبره العمليه ..تقدر تتعلم ده من خلال كورسات فى التدريس … فى كورسات موجوده انا مش بثق فيها بصراحه… فانا مش هتكلم عنها وهنصح بالسيلتا:
– هى الافضل والشهاده الاقوى كبدايه للتدريس
– من جامعه كامبريدج واشرافها ده كفايه
– هتفتح ابواب كتيره للعمل فى اماكن كبيره
– بتتعلم تطبق الى بتتعلمه وبتحصل على تقييم مفصل وده مش موجود فى اى كورس
– المدربين بيشتغلوا فى جامعه كامبريدج وطبعا هم الافضل
– هتلاقى معلومات اكتر عن السيلتا هنا http://bit.ly/2vaia7P
لكل واحد ظروفه وانا مقدر ده طبعا .. فلو هتضطر تاخد كورس تانى اقل مفيش مشكله مؤقتا بس طبعا مستوى المكان الى تقدر تشتغل معاه وانت معاك سيلتا مختلف تماما ..
Abanoub Aziz
==========================================
5️⃣️الخبره العمليه
– مهم جدا مع المؤهلات هو التطبيق … الخبره العمليه فى اى مكان لان الخبره بترفع من مستواك فى التدريس وتسهل عليك التقديم فى وظايف
– ممكن تطوع فى مكان او تشتغل كمساعد فى مركز كورسات بس مستوى المدرسين يكون كويس عشان تتعلم فعلا